張敬軒成香港首位元宇宙歌手 化身「HC」進駐虛擬社區Hinsland

英皇娛樂5月5日正式宣佈進軍「元宇宙」，投資金額近千萬，而旗下藝人張敬軒將成為首位舉行元宇宙演唱會的香港歌手！將虛擬與現實世界結合，而張敬軒做地主的Hinsland和虛擬形象「HC」首度亮相，更預告將會在元宇宙開演唱會。

張敬軒是首位進駐 The Sandbox Game 並切實建立屬於其元宇宙空間虛擬社區 「Hinsland」的藝人，當中創造的全新虛擬形象「HC」亦首度於發布會中以特別嘉賓身份亮相。「Hinsland」中，搭建了多個場景，包括 HC 大宅、Fans Club、Meta- Avon Studio 及起居室等，粉絲可以在 HC 大宅接收藝人最新的資訊，欣賞其私人珍藏，更可以與 HC 互動，而 Meta-Avon Studio 則收藏張敬軒從未發表過的歌曲，張敬軒表示:「喺我角度 Hinsland 可以話係一個小烏托邦，將現實生活中嘅我同大家分享，例如我一啲收藏、歌曲等，可以即刻擺上去，可以用數碼藝術形式實現出嚟，唔單止係欣賞，仲係一齊去 experience。亦有加入我家中的傭人『遮遮』形象，事前已問她批准。」發布會上，張敬軒更首次透過元宇宙形式發布今年首支歌曲《元宇宙之戀》，「希望大家可以去感受。」

問到最想於元宇宙做的事情，張敬軒謂現實做不到的東西，「例如好似可以同已經唔喺呢個世界嘅小動物重逢。同埋可能因為我係獨子關係，細細個我已經 create 咗好多唔同角色，我好識得自己同自己玩，我都會將佢哋擺喺 Hinsland。」除此之外，透過元宇宙將虛擬及現實世界結合，問到會否於元宇宙舉行演唱會，又或是將元宇宙概念帶到將會舉行的演唱會，張敬軒說「未來一定會，不過今次真係做番個實體補場演唱會去報答買咗飛嘅觀眾，要對得住之前買咗飛嘅朋友，表演水準要同之前嘅完全一樣。」至於演唱會驚喜，張敬軒笑言已過 show 肌年紀，最多只能露手臂，「唔知大家有冇見到我有番條 draw line，因為而家食番 168。所 以今次 surprise 基本上個 rundown 係冇轉，或者可能會喺啲細緻位，會有啲舞台上嘅編排，會係一個升級版。」

來源：橙新聞